प्यारी जु रस भाव

सहज सबहु गुरू कृपा सौ जाना। पंगु लंङ्घ गयै वन परवत,भव जलधि तरौ कूप समाना। निपट अपढ भयै ज्ञानी पंडित,भए मूढमति चतुर सुजाना। मूक भयै वाचाल वाक् पटु,सहज पयै सब वेदनि ज्ञाना। पंथ भटकै गहै पंथ प्रेम कौ,रस अप्राप्य सहज करि आना। प्रीति चरणनि होय गूढ हमारी,बाकी योई "प्यारी"आस पुराना।

(हिंदी लीला विस्तार सहित) ________________शुभता शुभ: किम् जानामि?_____________ . सखि सत्यं वदसि किं शुभ त्वसि? अधीर: विलम्बेतुप्रियं प्रिया: कुंजेषुबर्हि निकसि।।१।। . तत: पुनऽवस्थितै ललितादि सखिन: रमणी धीर: धरावती। तत्क्षणै प्रियां वामऽक्षिचलत्वं मधुवचनानि निजमुखै वदसि।।२।। . शुभाश्ंकै मम् नयनचलत्वं अहो! प्रियतम् शीघ्रं आवति। वाक्पटु ललितऽलि रासेश्वरी शुभता: निज पृच्छसि।।३।। . यत् श्रुत्वां किंञ्चित मंदहास: पक्ष्म्वाञ्च सुमुखि ललितौत्तरम् ददाति। मम् हितै मम् श्यामसुन्दरौ आगत: सर्वतौ शुभ: भवति।।४।। . तत् किंञ्चिदून: क्लैशं तत्त्वत: यत् वार्ता: सखिन: अति प्रसारति। ते मुरलीमनोहर: वेर्णुधरऽधरंम्नाम्नावहै मंदहसति आह! इतिहि शुभसि।।५।। . शुभता च प्रियतम: निजमृदुऽगुंलि: मधुर: स्पर्शै मम् प्रतिअंङ्गै प्राप्यति:। दृश्यागत: प्रिय: च मधुरस्पर्शं लुप्त: प्रिया: तद् एक: सखिन: पुनिहि कथं हसति।।६ . च त्वं प्रिय मनुहारौकृत्वं यद् त्वंरूष्टौ ,श्रुत्वां मधैश्याम: वदति। स: मम् शुभता अस्ति! यत्श्रुत्वां राधां नयनंसलज्जभारेनमति।।७।। . पुन: वद् श्यामसुन्दर: -- यदा "श्रीराधा:" किंञ्चितक्षणै मम् कर्ण...

श्री गोपाल भट्ट प्रगटै गुपाल,रसान्नद वर्षण हेतुई। अद्भुत छबी त्रिभंग खडी,एकटक लखै भरै नैननी। श्यामल बरण अति सुघर तन,कौ अधरन नयन शोभा कही। छबी गौरश्याम एक देहि मे,दीखै लाल कबहुक लाडिली। भरि आनंद मोदनि सब सखिन,श्रीगुणमंजरी कौ आजु भली बनी। हर्षित निकुंज कुंज कण प्रति,झूमत सजै द्वार तोरणि। डफ ढोल बाजत वाद्य विवि,जय-जय श्रीराधारमण सब कही। राग रागिनी गाए मंगलम,कोऊ कोऊ रिझावै सखी निरतई। वारि प्राण तन अंतर- करण,सर्वस्व धरि दै न्यौछावरी। कहा वारै"प्यारी" निज प्राण पै,तन मन हो धन सरबस तुम्ही। . दोहा--- जुग जुग जीवौ आनंदघन,मानै योई मनौति प्यारी।  ........ करू सोई जा मै राजी रह्यौ,रहू हित तौ सुखकारी।।

हू तौ तृण पर तेरौ। प्यारौ! हू तौ तृण पर तेरौ। होउ न होउ कछु परत न अंतर,मौ सम तौकू भतेरौ। सम आप सौ मेरै आप एक ही,संग राखौ चहै छोरौ। फिरू भटकत हौई विलग जो तौसो,होई दुर्गत जग मेरौ। बाँह पकरि लौ चरण लौ राखि,करूणा नेह सौ हेरौ। आवौ हे प्रभु !दीनबन्धौ करूणामय, "प्यारी" कब सौ टेरौ।

रहै अखण्ड दोउन को शीतलताई। चंदन बनिकै लिपटै रहै आपस,अक्षय दोऊ कौ रस केलि सदाई। बिरह ताप अति दुरूह नसावै,मिलन रितु कुंज रहै सदा छाई। सीकर शीतल रस अंग झलकै,निरखि यौ अलिन परम सुख पाई। मधुर बयार बनि बहै "प्यारी",अहा! लाल लली लए लाड लडाई।

अति झीनै बसन धरै वपु लाल। झाँकत अंग अंग इन बाहिर,ढापत ढकै न रूप रसाल। झर-झर झरत झरै सरिता रस,छुपै छुपाय सुगंधि कौ हाल। आवै लोभ देखि मधै पट कौ,नेक उघारौ करौ ह्यौ निहाल। "प्यारी प्यासी जनम अनत की,ओरि न तरसावौ पट यौ डाल।

सद्गुरू खेवनहार हमारै। नाम नौका लए बाह गहै कडी,बिषय बिकार भँवर सौ निकारै। माटी देह करि दई चंदन सम,सोई चंदन सेवा हित प्यारै। रस भजन स्वाद जीव्हा उर की दए,भटकै उर भए आप सहारै। अंत अनंत कहै कहा लौ जीह,"प्यारी" इन कहि गयै देव हारै।

आजु बिचारत श्री राधारमण लाल। कौन भाति निज प्रिया रिझावू,लखू लाज भर्यौ आनन लाल। राग रागिनि वेणू मधुर सुनावू,रीझत देय गलबैय्या ही डाल। भाति भेष धरि नाट्य दिखावू,करू इंगित लता लिपटी तमाल। निरत करत जानि ताल बिसरावू,आवै करन हित प्यारी सम्हाल। देखि "प्यारी" दशा अनंग हित केलि,ऊचेई उठै पिय मिलन उछाल।

श्री राधारमण मृदुल मुख हासी। शीतल सुखद अलिन मन भावति,सहज सरल मुख कुमुद सुहासी। अनगिन चंद कोटिक मन्मथ वारि,पै ऐसोई अतुल प्रेम रस राशि। जन्मनि अथक अनत चहै "प्यारी",रहै योई सदाई रूप रस प्यासी।

श्री राधारमण झुकै दृग नीचै। प्राणप्रिया चित्त चरण अटकि गयै,नैननि जल सौ रहै इन सींचै। इकटक चित्र छबि जावक कै,तूलिका नैन भरि रहै खींचै। बड-बड भाग बडै जानि जावक,बनि रहू बस्यौ चरण कुँवरि-कै। योई करै आस प्रियापिय "प्यारी",होय सुख ज्यौई त्यौई रस पीजै।

ऐजी,मण भाया गोपाल। ऐ...जी,मण भाया गोपाल। वोई मोर पखा लहरावनी सौहनी,नैननि अतिव बिशाल। श्याम बरण वोई तम तौ कारौ,मुस्कनि मधुर उजाल। कर पकरनि वोई सरस मुरलिया,पटकौ कांधौ डाल। कछुक कटिली वोई टेढी कमरिया,नाचत पग सम ताल। ऐजी बसौ यौई उर म्हारै आय,"प्यारी" किजौ निहाल।

वन्दनम् श्री हित: तव् चरणम्। अतीव् आत्मजा: श्रीनिकुंजेश्वरी:सर्वभुवनमोहिनी: वेर्णुस्वरूपम्। जगत्सकलं रसौप्रेमप्रकाशिनी कर्तुंरर्सौज्जवलस्वरूप: अद्भुदवर्णनम्। लुप्तवृंदावनक्रीडास्थलै च श्रीनवरंगीलालविग्रहै हितलौक:प्रकाशकम्। मतिमूढऽहम् किंञ्चित्वकृपाकथम् निश्चितत्रुटिहित: "प्यारी"  क्षमस्वतव्पदम्। । । भावार्थ-------------हे श्री हित हरिवंश जु आपके चरणो मे हमारा वंदन है। -----आप हमारी निकुंजेश्वरी श्री राधा जु अत्यंत आत्मीय सखी है और सभी लोको को मोह लेने वाली वंशी की अवतार स्वरूपा है। -------आप समस्त जगत मे प्रेम रस का प्रकाश फैलाने वाली और इसी रस के अत्यंत उज्जवल स्वरूप का वर्णन अपनी अद्भुद वाणी द्वारा करने वाली है। ---------श्री युगल सरकार की प्रेम क्रीडास्थली श्री वृंदावन के लुप्त हो गये स्थानो को पुन: प्रकट करने वाली और श्री विग्रह नवरंगी लाल जु को जग के हित के लिए प्रकाश मे लाने वाली आप ही है। ----------हे श्री हित हरिवंश जु मै जो कुछ आपकी कृपा से कह पायी हूँ मेरी मुर्ख बुद्धि के कारण उसमे निश्चित ही कोई न कोई त्रुटि रही होगी जिसके लिए यह प्यारी आपके चरणो मे क्षमाप्रार्थी ह...

मनमोहन मैय्या डरपावै। गौरस पीयत गिरात धरनी जई,खीझी माई तऊ लाल बतावै। कीयौ उधम अबिकै लाला तनै,जेई साँची सुनि लै कान लगायै। तउ दै झोरी बाबा डारू तौय,डोलै घर-घर तो तै टूक मंगायै। नाय मैय्या बाबा मिलिहै तऊ,नाय कोउ सखा सखिन बचावै। योई सुननी मुख उतरि गयौ री,लए दौरि लला मुख अंचल छिपावै। देखि हिय गयौ पुलक री "प्यारी",मायापति मैय्या संग माया रचावै। _ ______जब लाला ने दूध पीते पीते भूमि पर गिरा दिया तब मैय्या अत्यंत खीझकर लाला से कहती है रे लाला भली प्रकार से कान लगाकर सुन ले यदि अबकी बार तैने कोई उधम किया न तो मै सच कहती हू मै तु़झे किसी बाबा की झोली मे डाल आउंगी।फिर वो बाबा तुझे घर घर ले जाकर तुझसे भीक्षा मंगवाएगा और तब तुझे न तो कोई मैय्या बाबा ही मिलेंगे और न ही तेरे कोई सखी सखा ही तुझे बचाने जाऐगे।अरी ये सुनकर लाला का मुख एकदम से उतर गया और उसने दौडकर मैय्या यशोदा के अंचल मे अपना मुख छुपा लिया है।यह देखकर प्यारी सखी का ह्रदय तो अत्यंत पुलकित हो उठा कि मायापति किस प्रकार मैय्या संग माया कर रहे है और मैय्या किस प्रकार इस मायापति को ऐसी माया रचकर डरा रही है।

बिहारीजु प्राक्ट्य बाँटत बधाई निधिबन हरिदास जु। बिहार पंचमी शुभ तिथी भारी,प्रकट भई जोरी ऐकौ रूप हु। चला रै हिय उडि जा निधबन,हर्षित भए युगल संग दास जु। लुटावत नेह अजु तौ हु लुटा रै,बाँकी छबी हिय काढ चढाय दु। चटकीलौ मटकीलौ जौरी प्यारी निरखत,आनंद मगन हौय निरत करा हु। प्रकटावन वारौ नित जावू बलिही,सेवत संग गोद बैठाय हरिदास जु। मोद मनाय हिय प्रेम बहायौ,जय जय प्राणन प्यारी सखी कू।

युगल एक भए प्रकट भई आजु जुगल जोरी। रूप रंग ऐकैहु ऐक,ऐकेहु देह हौ री। कबहु झलक लाल लाडलौ,कबहु लाडली लली कौ मारै। कबहु बंशी सजावत कर सौ,कबहु कमल साजत न्यारै। मुस्कन अधर ऐकहु हौवत,ऐकहु दैह ऐक प्राण होहि। चरण शीश नवावत प्यारी,झुकावत हिय जोरी कौ ही।

हरिदास जु बधाई पद बधाई हौ बधाई,हरिदास जु बधाई। भई सखी मानो अजहु मैय्या,प्रकट भए बिहारी। हरिदास जाकौ नाम पुनीता,जाकौ नाम काटत भव भारी। मुदित भये देखो कैसेहु अाजु,नाचत गावत सखियन आरी। चलो री चलो हिल मिल कुंजन मा,बधाई हिल मिल लेवन वारी। सबन हिय अजु नेहा बरसत,बरसत आनंद निधिबन मा री। प्यारी पाछे सखियन जावै,जावै लेन बधाई प्यारी।

सियाराम गठबंधन नेह कौ बंधन बंध गयौ जौरी। दिवस पुनीत गठजोड जुगल कौ,करावै सखिया मिल री। सिय राम दुई विवाह करत हौ,देखत सबै नगरी। नेह कौ भूषण बसन नेह कौ,नेहा को होवै सब री। पद पूजत प्राण प्यारौ जौरी कौ,मैय्या बाबा सबही। चहु दिसी मानौ फूलत फूलै,झुक झुक आवै बदरी। रबि नभ अति झीनौ निकरौ,जौरी तेज सौ हौयो नीकौ री। दासी प्यारी बीरी देत हौ,देत जौरी कौ मुख ही।

सिया जी पदार्पण सुकुमारी लली बर चली बरनै। रूप अनूप मधु सौ सुरीति,कर सोहत बरमाल हिय हरनै। मंद चलत ढुरत द्वौ नैना,पलक उठावत मुख नाय निरखै। चरण लगावत दैखनौ च्हावत,लाज सौई उठावै ना मुखै। सखी तबहु जुक्ति ऐसौ किन्ही,छूवत चरण प्यारौ कौ गिरही। झुकत उठावन ज्यौ ही प्रभौ जी,निरख लई प्यारौ मुख तबही। दुई परस्पर बरमाल पिरहाये,तरंग रंग उज्जवल सिहरन होहि। आज दिन शुभ सब आस पूराये,प्यारी आस दरस पूरायौ त्यौही

म्हारी तिहारी होर नाथ लगी म्हारी तिहारी होर। तुम कछु देवन आवो हमहु,हम नाय लेवन कोर। तौ धावौ भर उर लगानौ,हम धावौ तौ सौ दूरी। चित्तहु चुरावन आवौ तुमही,हम राखिहै सहेज अरी। अवगुन लेवन आवौ तुम्ही,हम अवगुन नाय दैन्ही। दासी प्यारी कहै सुन माधौ,मोय चेरी रख लैन्ही।

प्रेम वितरण देवती सखी जौ हते झोरे जुगल। पावती जा दिन सबही बाँटती। प्रेम प्रेेम करि हाँक लगाती। कहती सबही बात रात कौ। बात पिय को सबहि सुनाती। पा जौ जावती सुन सखी री। लै संग सखियन मैल कराती। हसी कबहु ठीठोली करती। कबहु संग प्यारी रास रचाती।

आशा बरेगें मोय गिरधरलाल। बिस्वास आस मोय पूरण,दैखिहौ मोय नाय बेहाल। कबहु तो कौर प्रेम डारो,कबहु पहरू कर गलमाल। सुपन सलोनै साँच होवगै,बन्यौ पिय मैरौ सुंदर लाल। माई सुन बर मै अमिट पाया,अमिट पायौ प्यारी बैंदी भाल।

अभिलाषा माई मेरो गठजौडा कीजौ। सुनियौ रूप अनूप पहिलौ,कर कोऊ को नाय दीजौ। मटकन नट कौ अलकन रस कौ,नैना बस नाय रहियौ। हसवन लूट्यौ चितवन मारौ,अरी बोलन फूल झरियौ। अंग टौना री रूप सलौना,कौन उपमा रूप धरिहौ। ज्यौ री तौ देखै रह नाहि पावै,प्यारी बिनती माय मिलिहौ।

राम रट राम रट,अरी मोरी रसना। साँचौ जगत नाम इकही,सब जानिहौ तुव सुपना। भव सिंधु नैन मीच तरिहौ,राम संग भव ही तरना। नाम अमोलक जगत जानौ,राम रहै नाय जग फसना। रस सागर रस देवन हारी,बात साँची रै जनना। राम राम रट बिसार न कबहु,प्यारी राम नाम रटना।

बाल हठ बाल हठ रस सो रसिलौ कौ। चंद चंद माई मोहे दीजै,मचल गयौ हिय श्याम लला कौ। सुनै ज्यौ नाही देखत माई,धौस अनोखेही माई दीन्हौ। अंग रमाऊ जमुना कौ रेती,चौटि तौ सौ नाय गुथाहौ। माखन ना खावू खावन न दैहू,दूध कजरी नाय पीवौ। सबहि कहु नाय लाल माई को,नंद लाल ह्यै जावौ। रूठ बैठिहो देख्यौ लाला,बात बहू कौ माई कहयौ। बातन तुतली बाणी बलिहारी,प्यारी गोद माई बैठायौ।

सखा बैठक बैठक लगायी मिल सबै सखा। सुबल श्रीदामा बैठे दाई बाई,मधुमंगल कौ पेशी लगाई। सुन माधो अपराध पेटू कौ,हमरौ यानै भोजन खाई। आज लौ घर सौ लाय न कछु ही,जिम्मे हमरे माल उडाई। आजु दंड जे भारी पावै,पुनि जाई घर सौ भोजन लाई। चतुर सुजान भली जुक्ति किन्ही,छाछ मटुकी माट भर धाई। आजहु बरत सबहिन करि पडिहै,दंड देय कौ आप पछताई। देख हाथ पेटहु फेरे,प्यारी दंड बड्यौ भर पाई।

युगल सौदंर्य देख सखी सींवा सुन्दरताई। अंग गठीलौ डगमगै पग,रोंव रोवं सुघराई। दुई कर दुई दिशिहु फहरै,दंतुली अति चमकाई। किल किल करत हसत लाला,धावत पकरै माई। नीलमणी मेरौ नाय नाय कहवै,करै अंगुरी देत मनाही। कठुला कर पुनि पुनि चूमत,धूरि अंग अंगहु रमाई। हाय मैरो कान्हा दरस बड्यौ प्यारौ,प्यारी देख लयी सिंवा ही

भय पद तज जईयौ न प्रीतम मोय। जग मोय खेचत ओर आपनी,करे तौ सौ बिछौडे होय। नैन न धरिहौ मम हिय अधमी,नेक धरियौ किरपा तोय। बिनु आप रहि सकू न पलहु,कदै ऐसौ किरपा होय। आप रटत आप ह्यै जावू,मौ मा बच्यो न नीको मोय। हे गिरधर नाय कर छाडियौ,प्यारी प्राणन सूख्यौ जाय।

हिय सुने सुणत म्हारा पिव जी म्हारौ हिय कौ। कही न कही जाणत हिय म्हारी,श्रवणा लगायौ म्हारौ हिय कौ। पल छिन मनहु टटौलत रहियौ,हौण देत न निकरत मुख सौ। भाप काढिहौ वा सौ पहलौ पूरियौ,ऐसौ कबहु मिलिहौ पिय हम हौ। बहण नैन कौ पहिलौ पौछिहौ,फिरिहौ रैन दिनन मौरै संग हौ। कायसु न वारी जावै ऐसौ प्यारी,पलकन बैठाल्यौ पिय हम कौ

विरह पद दरस बिनु मौ सो रह्यौ न जाय। नैन बैर निकारतौ मौ सो,पिय काहै तरसाय। जानती पिय निरमोही हौयौ,जान रोकती पकडत पाय। सखी सहेली भई पराई,कौऊ मनहु नाय भाय। इकली रहवू पिय मगन ह्यै,संग साथ छूटि जाय। अबहु हा हा करत का हौयो,प्यारी जात रोकियो नाय।

कुंज सज्जा सखी री मिल कुंजन आज सजावै। लै पकरौ जै डोरी बांधौ,कुंडा दयौ अटकायौ। लिजौ पुष्पमाल उठावौ,उहा ही दीजौ बंधायौ। आल दीवाल कछु नाय छूटै,भूमि सबै पुष्पन सौ पटावौ। सखी प्यारी कितहु गयौ है री,कोऊ तो मोय बतावौ।

निकुंज शोभा आज सखी निरख लऔ कुंजन। कहत सुनत कैसौ बाणी आवै,सखिन सजाय कुंजन को शौभा। मानौ पात पुष्प कौ ही,कोउ निज कर सौ हौ धौभा। निकुंज सजायो एकौ सिंहासन,उपर ही एक छत्र सजाय। बनाय दीयौ पुष्पन कौ छत ही,पुष्पन कौ दीवार बनाय। कही सखी कहा सेबा करू,कछु सैबा निज दासी कौ बताय। पकर कर सखी पाकशाला लाई,जहा सखी बहु मिष्ठान्न बनाय। बहु प्रकार लाडू,माल पुआ,बर्फी भाँति भाँति बनाय। देखत सखी संग मेवा कूटिये,ओखल माही सब मेवा धराए। कूटत मेवा थाल लिजिहै,लै मावा संग लाडू बनाय। हसि ठिठौली खूब ह्यै रही,प्यारी सखीन देख हिय हर्षाय।

युगल एकत्व भई री जोरी घन सौ श्याम भई। अंग अंग भरत दामिनी हौ,सहज दुई एक हई। ज्यौ चपला घन बिलग न होये,त्यौ बिलग न करत जई। रै मन भज तौ एक जानिहै,इन्ही लाड लडावन लई। कहत बनत नाही मुख सौ,प्यारी आनंद हिय अती हई।

श्री हरिदास जु गुणगान श्री हरिदास गुण गा रै मना। चरण गह इन्ही कौ नित ही,मेट सकल दुख घना। सेवा अधिकार इन्ही सौ पा रै,इन्ही सौ लगाय मना। नित ही राधा कुंज बिहारी,जानिहै ऐकौ जना। इन आगै नैन बहत रहिहै,जुगल जोरी पाय इन्ही को च्ह्ना। उत्सव नित कुंजन मा रहिहै,सरबस अब इन्ही कौ बना।

कोहबर लीला कोहबर राम सिय आये री। बिधि मंगल सब पूरण किन्ही,सखी मिल आसन एक बैठाये री। परिहास हास सब राम सौ करिहै,लजावै लई सखी दुई चुटकी री। कोऊ कहे दास राम सिय कौ,कोऊ चुप छबी को निहारे री। मौन भये मुस्कायै सहज हौ,लाज प्यारी सिय गढी जावै री। मोहै भी लै चलिहौ जनकपुर,दरस प्यारी छबी कौ पावै री।

बरमाल लीला कैसेहु सिया बरमाला डारै। नीलमणि कछु ऊँचौ सिय सौ,कैसेहु प्यारी उचक माल डारै। बड्यौ संकट हिय जानकी हौय,मुख सौ बैन कहत न जारै। उत्त हिय ऐसेहु राम कौ हौहि,मरजादा बश झुकन न चाहरै। समुझ दोउन हिय लछमण बाता,करत उपाय भाई चरण छुवा रै। ज्योहि उठावन अनुज कौ झुकिहै,चटपटि सिय माल राम कौ डारै। जय जय जय धुनि करत सबहि,प्यारी हिय मोद अतिहि बढा रै

युगल विवाह करत पणिग्रहण रघुकुल मणि। श्याम राम सिया पीत बरन कौ,दुई शोभा न जाय बरणी। तात विदेह कर करहु धरिहै,पढत मंत्र जलहु छडिहै। कुल लाज मूरत जानकी प्यारी,रघुबर प्यारौ मरजादा शीश धरिहै। बलिहार भये जनकपुर नर नारी,मिल आरती करत माई न्यारी। मोतिन मणिक बलि कर लुटावै,छबि सरबस चित्त हरण हारी। लोग लुगाई गावत मंगल ,हियहि अति प्यारी शरमावे। ब्याह निरख युगल छबी प्यारी,प्यारी बार बार बलि जावै।

बिछोडै कायसुं म्हाने करो बिछोडै जी। मिलन भयौ नाय हिवरौ भरौ है,अबहि जावन कौ बात सुनावौ। आवन आवन सुनत साल हौ,पलहु आय जावत कहा हौ। कौन आनंद बिछौडै पावौ,कौन बात आयहि जावतौ। कहा भयी कछु कहतौ सुनतौ,कौन बात हिय दासी दुखायौ। नाय जी मोय कछु कहनौ सुननौ,आय प्यारी लीजौ कंठ लगावौ

अलक शोभा अलक घुंघराली हिय मैरो अटक्यौ। कारौ घुंघरारौ कछु कांधै पै पड्यौ रह्यौ। कछु अहा देखियौ कान कुंडल अटक गयौ। लट इक नगिनी सी अधर छूवै धाई ह्यौ। कछुही अलक लटा कपोलन बिखर रह्यौ। मनहर छौट्यौ लटा मुकुट कछु निकर्यौ। ऐकौ लटा देखिहौ मुकुट मणि फसिहौ। लटक लटा एकौ मैरौ हिय कौ फँसत रह्यौ। रूप सुधा पीबत अघियै न प्यारी मना। बलिहारी अलक घूंघर वारी पै ढुरि गयौ।

अयोग्यता आप तरू कैसौ नाथ,म्हारी नाव पुरानी जी। लख चौरासी जनम पौरानी,जानौ नाय नवानी जी। बिषय बिकार कौ छिद्र होइए,भरै भव कौ पाणी जी। लहरा जलहि उठत ऊपरि,हिय डरपै जाणी जी। ता पै न मोय खैवन अहिहौ,खेवनहार हम अनारी जी। आप पतवार लै बनिहौ खिवैय्या,तबहि पार ह्यै जानी जी। मैरो भरौसौ तज नाय दीजौ,ना प्यारी नाव डुबानी जी।

विरह पद नैना जी,दैख्यौ बिनु है उदास। देखि देखि थारौ प्यारौ बरसै,रौवै अगै थारौ दास। काल जगह कछु नाय देखत,बहत बारहौ ही मास। कैसो प्रेम कौ टौना डारयौ,रूकि रूकि आवै श्वास। जोई गुण अवगुण तौहै न भावै,उनकोई करियौ नास। गिरधर प्यारी को धाम बुलावौ,पुरावौ जनमा कौ आस।

दरस बिनती दरस देओ अबकी बेर हे हरि। बड्यौ दिनन सौ भटकत घूम्यौ,अब मूरखताई टरी। जनम भतेरे बिनु आप गमायौ,अबहु गमायौ नही। दूज्यै ठौर नाय भैज्यौ मौहै,दासी तुव चरणा सौ गही। कहो जौ नाथ कहि ओरहु जावौ,बिनु आप कहा मोरी बनी। प्यारी राखौ निज चरण लपटायौ,दास मलिक अजहु ठनी।

सार तत्व जानि लओ सब रसहु कौ सार। राधा नाम एकौ तत्व है,या सौ कछु ना होय रहार। चारहु बेद पुराण आठ हौ,लोक तीनन जै ही सार। कोटि कलप जुग छानत बीनत,पावै राधा नाम कौ न सार। कृष्ण तत्व कौ सारहु राधा,जग सब तत्वन कौ सार। कहत प्यारी राधा नाम जप मनवा,जाकौ कोउ न पायो पार।

सेवा अभिलाष शोभा बरनौ कौन मुख सौ। लगिहै सबही कछु न कछु सैबा,आवौ हमहु करवौ। कछु दैख्यी सिंहासन सजावत,कछु लडी पुष्पन पिरावौ। कोऊ कोउ चढ्यी पाटहु दैख्यौ,संग मिल पुष्प माल लगावौ। कछु कौ दैख्यौ तरू तले बैठ्यी,दीप चबूतरौ सौ सजावौ। हसत करत कछुही ठीठौली,प्यारी कुसुम माल पकरावौ।

ऊधो बात उधौ! हम श्याम जानिहौ एक। काजर कोटर कारिख मिलिहै,ज्यौ छूबै हौय कारौ देख। दूध ज्यौहि पानी मिलिहै,बिलग करे आप गवाय। भाप बनी चाहै उडत जहिहै,नाही बिलग दूध करि जाय। कोख मात कौ ललना हौय,पौषण माय सौ पावै। त्यौ हम उधौ एक मोहन सौ,प्यारी एक देह जान है हौवै।

सखी महिमा जानिहौ युगल प्यारी आली। दुई खिलौने युगल इन्ही के,मनावत मनहु एक करि डाली। रूप रंग बसन भूषन सबै,धरावै एकहु सम समान करा री। नित नेह हिय कौ साध पूजावै,डारत नेह सबहि हिय जो भरा री। ज्यौ डोरी सखी हौय जानिहौ,वाकौ एक छौर लला ता एक लली हौयी। जानिहौ पुष्प युगल कौई जौ रै,सुगंधि पुष्प कौ सखीन ही हौयी। बिलग कौउ सौ करि नाय जावै,रचे बसै सखी युगल हुई जायी। आसरौ लए ऐसौ सखिन कौ प्यारी,बाता कछु नित सखिन कौ गायी।

चेतना भजन बिनु चौपाया सम जीवन। गदहा ज्यौ बौझि ढोवत,जनम सोई भार सम ढोवन। खावत सोबत समय बितावत,नाय दूजौ करियौ काम। गिद्ध ज्यौ ललचात माँस कौ पाछै,त्यौ बिषयन होय सकाम। शूकर ज्यौ मिष्ठान्न छाडिहै,धरत मुख गंदले जल होय। त्यौ बिनु भजन सुनि री प्यारी,इहा उहा लोक सबै खोय।

रोम रोम पिय ह्यै रहयौ रोम रोम पियजी,ढूंढवै जावू कितहु काय। बौरि भयी ढूंढत ढूंढत मै,जग फिरू ढूंढत सारा। नैन किवाडी गिराय दैखिहौ,हिय बैठ्यौ पिव प्यारा। सुनत बैन श्रवणहु तरसै,कबहु बात न सुनीही। मिलाय लई हिय एक करिहै,बंशी को धुनी बजीही। जग कहवै मै हू बौरि,मै कहवू जग बौराय। दूर देस जावन कहा पडिहै,पिय हिय आय समाय। नैन मिलाय जबहि बैठू,प्यारौ बैठ्यौ दीखै। प्यारी मुस्कन तन मन वारै,पिय बसिहौ हिय कौ नीकै।

बिछोडै कायसुं म्हाने करो बिछोडै जी। मिलन भयौ नाय हिवरौ भरौ है,अबहि जावन कौ बात सुनावौ। आवन आवन सुनत साल हौ,पलहु आय जावत कहा हौ। कौन आनंद बिछौडै पावौ,कौन बात आयहि जावतौ। कहा भयी कछु कहतौ सुनतौ,कौन बात हिय दासी दुखायौ। नाय जी मोय कछु कहनौ सुननौ,आय प्यारी लीजौ कंठ लगावौ।

गुरूदेव बिनती पद पूजै आस तो पूजै गुरूवर। मै मूरख लोलुप अति भारी,दये मिलवा तौ शीश धरू। झूठै प्रेम बड्यौ जताये,बिन काज नाय बिनती करू। मैरी बनावै तबहि पूजू,बिन बनाये ना जानू गुरू। बहुत दिना सो भरमत रहिहै,आज देख्यौ सूरत साँची। नाय हौहिहै प्यारी ऐसौ,बिनु सुवारथ कोऊ नाय जाँची।

अभिलाषा सखी हम कबहु भये ब्रज रज। कबहु हम ब्रज माही डोलै,बन बाँवर सब तज। हमपेई नित संग पग धरै,जुगल जोरि रूचि रच। उडि उडि अंग सबै लगै,लगिहै बसनहु रच पच। निरत करत कबहु लाल लाडिली,धिन ता थिरक थिरक। लागे पाम छुटावे नाय,खावै लाडिली लाल लचक। ब्रज संतन अंग रचि जावे,जो गावे राधा नाम सतत। लाल लली बनाईयो रज सोई,प्यारी बिनती चरणा करत।

ब्रजरज महिमा बडभागिन रेणुहि ब्रज कौ। बडभागी जा पै नंदलला डौलत,करत किलौल सखा लौ। बडभागी सोई लता पताही,बडभागी वृक्छ पुष्पन हौ। बडभागी सोई धेनु पक्छी,डोलत सोई रेणु लौ। बडभागी कलिंद नंन्दिनी,जा मै बिलसत हौय जौरि हौ। बडभागी ग्वाल गोप बाला,डौले आछे पाछे नित जोरि सौ। ऐसेहु बडभागी धाम वास ही,भावै नित प्यारी कौ।

टेर मैरी बेर कौन बैडी पाँव पडी। आयौ नाय माधवा,हौ कब की खडी। आवत रोज खान,करमा खाचडी जी। भिलनी को बैर चाखे,नाय देखी जात ही। खाये विदुरानी छिलकौ,केलो फैक दी। सबही को लिजै आय,हमार सुनै नाय। प्यारी बडै दिनन ही,बैठी टेर लगाय।

शिक्षा राखौ धन कृपण सम जौरी। सात तिजौरी भीतर राखै,ता पै चैन न पावै। बैरि बैरि काढि देखत,कोउ भरौस न लावै। ओरन सौ छिपाय राखै,आप छिपायै देखे। ऐसेहु जौरी जुगल प्यारी,हिय ताले भीतर राखे। ज्यौ कृपण धन घटिहै,चिन्ता ही मरी जाय। त्यौ प्यारी जुगल होय,बिनु निरखै चैन न आय।

युगल दूल्हा दुल्हिन लीला नव दूल्हा नागर हौ दूल्हिन नागरी। सेज सखि सबै मिल,फूलन सौ सजाई री। जोरी दूल्हा दुल्हिन कौ,लावत बैठायी री। बसन कोऊ संम्हारती,कोऊ बीरी लई ठाडी री। लेवत बलैय्या कोउ,दोउ हिल मिलावल बाढी री। प्रीत दुई रंगै पगे,प्रीत को खिलौने री। प्यारी झौरे बैठी ताई,नजरा उतारै री।

कृपा विनती कृपा करो आपनी ओरहु देख। मै मतिहीन,कुमति अधम हौ,आप अकारण करूणाकारी। भवसिंधु हम जानत न तरनौ,आप कुशल खेवनहारी। हम शूकर विष्ठा मुख मारत,आप सुधा पिवावनहारी। विषय विकार हमहु बड्यो भावत,तुम इनसो छुडावनकारी। दयामयी करूणाकर प्यारौ,कैसौ कहवै किरपा आप प्यारी।

स्वपन पद सुनि सखी श्याम को आवन बात। सुन्दर रूप मनोहर देख्यौ,देखी सखी कल रात। औचक पडी सुनिही सखी,मोहै कही जो श्याम सखी। ऐको कर सो कटि पकरि,एकौ कूच मोरे रखी। कहै सुंदर गोपी बडै दिनन कौ,राह तेरी दैख्यी। आजु हाथ आयी मैरौ,आयौ घडी शुभ बड्यी। कहत कहत री सबै टटोल्यौ,कर हर ओर धरी। ऐसी मनहारी लीला प्यारी,नैन कदसौ धरी।

प्रतिक्षा पद सुनि सखी श्याम को आवन बात। सुन्दर रूप मनोहर देख्यौ,देखी सखी कल रात। औचक पडी सुनिही सखी,मोहै कही जो श्याम सखी। ऐको कर सो कटि पकरि,एकौ कूच मोरे रखी। कहै सुंदर गोपी बडै दिनन कौ,राह तेरी दैख्यी। आजु हाथ आयी मैरौ,आयौ घडी शुभ बड्यी। कहत कहत री सबै टटोल्यौ,कर हर ओर धरी। ऐसी मनहारी लीला प्यारी,नैन कदसौ धरी।

श्रृंगार पद लूट लए अधर मेरे मन कौ। छबि देखीहै जबहि मलूक,नैन दुई अधर ही टिकै जात। रस बरसाते मानौ खैचत है,मेरौ हिय कौ अती ही बलात। हिय धरकत है जिय डरपत है,रह रह जावै हिचकौल खात। सरबस चोरन को चोर जेई,कोऊ बढके नाय जौ देवे मात। आवत ऐसौ दबै पाम सखी,जैसौ बढी रैन कोऊ चौर आत। ता पै बिनु या कौ सरतौ नाय,प्यारी या कौ ही दिन रैन च्हात।

स्वरूप पद कैसो कहू,जा छबी की री,मन माही बस्यौ मनमोहन हाै। पहिलै अटक्यौ नैना हिय,दूजै अलका घुंघरारी हौ। अरी नैन मैरो अटक्यौ जातौ,अधर रसीलै लाली हौ। कछु बात मौरी बिगार दई,याकी सुघर नासिका प्यारी हौ। कर कंकन किंकिनी सुनत ही,मन नाचे मयूरा भारी हौ। नुपुर रूनझुन शबद पै ही,नाचे मन मगन आली हौ। अहो,बौल सुनत तो मरि जईहै,कहौ बचावै कौन प्यारी कौ।

बंशी उलाहना पद सखी बैर भरी बंशी प्यारी। मधुर नाम पुनि पुनि टेरत है,मोरे हिय जरे को जरावत री। लै नाम मेरो मीठी बोली,कबहु खेचत अपनी ओर अरी। कहा जाय छिपू बचवे या सौ,नाय सुनि सकू तीखे बैनन री। सुधि बिसरावे जब बात सुनू,मोरा बिगर गयौ सब काज अरी। चूल्हा चौका अरू भरतार मैरा,अरू बिसर गयौ सबै बंधु री। जे बैन भरी बंशी प्यारी,लै गयौ चित्त कौ चौरा चैन अरी।

नयन शोभा वर्णन पद मधुसिक्त मनोहर रतनारे,उन नैनो की अहो क्या कहिए। कोऊ लता पता सम उरझावै,इन शरण न गहे तो क्या गहिए। मटकन सुघराई नैनन की,बैनन की पूछो बात नही। चंचल चितवन चतुराई प्रिये,संग धारा इन को क्या बहिए। पलकन मानौ सैनानी है,दुई बैन भरै इन नैनन को। ऐसै मतवारै नैनन पे वारै,कछु बात कहो अजी क्या दइए। जब सो लखै नैनन कोर सखी,सुधि जन धन नाय आवत है। कछु रहे कछु नाही अरी प्यारी,तज नैनन नाही कछु अब चहिए

हिय बिनती पद रे मनवा गोविंद माधव बोल। नाय काहु सो मोल मंगानो,नाय चुकानौ कोऊ मोल। कोऊ को नाय जी रंग चढानौ,नाय चढानो कोउ को खोल। मुख सो मूरख कह रे पापी,नेक गोविंद मुख सो बोल। जौ सोचे सौदा मुहंगौ लागै,नाय महगौ दरस कौ तोल। प्यारी मना गोविंद गुन गा रे,गा बजा बजा कर ढोल।

निकुंज शोभा पद निरख सखी रंग कक्ष शोभा। खुलत पट ही जावत देखी,मिल सखियन संग जाती। द्वार सम्मुख दर्पण अरू चौकी,जोरी श्रृंगार करत हाती। दहिनी ओर जावत ही देखिहौ,सैज सजी पिय प्यारी। ता के बाम निरख लीजियौ जी,चौकी बीरी अरू झारी। सेज सजे अरी निरख लयी,जोरी ओढत ही रजाई। भई भौर सखि प्यारी सब मिल,जुगल जोरी जगावन आयी।

लीला दर्शन पद जगे भाग बुलायी लली सेबा माही। दौडायी कुंजन सबहि सखी,प्यारी बुला लायी। आवत बात पूछी प्यारी,लली कह मुस्कायी। लाल सखी बीरी च्हावे,तुमसो कर लगायी। सुनत हँसत दोरी सखीही,झट बीरी दिन्ही मुख माही। लली कहो तो सो बीरी लगावू,लाल ना नयन मटकायी। अधर धरत बीरी बाँटी,लली अधर पान करायी। बलि बलि सखि इन्ही प्यारी,जिन ढूंढत मोय लायी।

चेतावनी पद शीश धरी गठरी छाडि जरा। भाति भाति नेह बंध जोडिए,शीश गठरी बाँध धरा। विषय काम मद मोह बांधिए,शीश सजा लीन्ही। प्रेम चोगा धारि उपर,तिलक भाल दीन्ही। पीट ढिंढोरा प्रीत झूठी को,अपनी ही किन्ही। ऐसे प्रेमी भरमत आपे,जग भरमत लीन्ही। च्यो रे प्यारी मूरख जग मा,नट सी निरत किन्ही।

खीझाई पद दीजियौ हिय ही मैरो लौटाय। बहुत दिनन मोय आप रिझायौ,खुलि गयी हिय गिरह। बात काँच सम साँची जानी,पायौ प्रीत प्रसादी विरह। घसी जिव्हा पिय पिय टेरतो,मिलन पिय नाय आय। कहै सखी सुनि मौ सो ता पै,प्रीत कोऊ को जाय दिखाय। ज्यो काची भाजी होय आधी,अधपकी छाडी मौहे। सुहागिन नाय अभागिन छाडी,प्यारी वरी ना जगत को दोहे।

उलाहना पद हरत हिय हरि न पूछी बात। रूप रसिक रस रंग दैखिहै,हिय लीन्हौ ललचात। नैन सैन बस कर रखिहै,अबहु नाही जानात। ज्यौ यौ अली सम पिय जानती,रोकती हिय बलात। कहा करिहै कहा कहिहै का सौ,अब गयी आयी हुई बात। हिय फैरियौ प्यारी कौ गिरधर,नाय हमरै बस प्रीत हात।

लाल संग ठिठोली पद आजु लली तोहै बनावू नंदलाल हौ। जनमा को कसर निकारू नंदलाल हौ। सर दऊ चोटी,कटि कंचुकी धरावू। झूठौ सो कूच,फल कंदब लगावू। तौहै लहंगा धराउ खूब घूम घमाल हौ। लाली कपोल तोरे,अधर लगावू। अंजन नैन मा,रेख सजावू। टीका माँग को धराऊ जडवाल हौ। कंकन हाथ तेरो दोउ सजावू। पैजनिया पग नुपुर सौ सौ जडाउ। चूनर औढाय तोहै कर दउ बेहाल हौ। बनाय सखी झौरे अपने बैठावू। नीको सो घूंघट तेरौ हटावू। सिखाय दउ तोय आजु लाज लजाल हौ।

सियाराम विवाह पद आजु सखी दिन मंगल भारी। सिया राम भए एक प्राण हौ,देखन हम जा री। भीड अवधपुर बड्यौ सुहानी,हमहु संग देखी राम जानकी। ज्यो कुसुम कोउ भ्रमरा होये,त्यो शोभा कहत न प्रान की। हल्ला बड्यौ री जनकपुर होयो,दूल्हा चारो भैय्या। दुल्हिन सबही बहिनै बनिहै,सबहि लाड लडावै पितु मैय्या। देन बधाई लोग लुगायिन आवे,आवे अवध नर नारी। जनक राज खूब दान लुटावै,लूटत प्रजा सारी। मंगल बेला मंगल दासी,मंगल हिय मोद सुहाये। मंगल ही नैनन प्यारी कौ,जिन जौरी दर्शन पाये।

बिनती पद दिनु दिन बाढे अनुराग। चित्त जात कहा बिनु काज फिरै,झोरे जुगल जोरी को भाग। बिनु राम कहे नाय तोय सरे,कहै काल्ह काहे न आज। जानत ह्यै तौ भी मनवा,बचावौ उन ही चरणा लाज। अबहु समय चित्त जाड याही सौ,कोउ ओर ठोर नाय भावै। जतन करिय कोउ ऐसो प्यारी,चरण रति या को पावे।

बिनती पद प्रणमऊ चरण जोरी। चापत रहू नित लाल लली पग,प्रणमऊ बारंबार। करू बिनती कर जोड शीश धर,करत हियही बिहार। कुंज निकुंज बन मधुबन बनाय,पधारौ जोरि सरकार। बिनु आप सबै स्वपन सुषुप्ति,होवै जीवन मरन बेकार। चरण सेवा नित प्यारी दीजौ,नित करू जय जयकार।

श्याम रंग मेहंदी हल्दी रंग चढैस्यु नाहि उतरै रंग मैरौ श्याम जी। तन पिय कोउ चाहै होवै,मन पिय एकौ आप जी। रंग रंगाय दैवै जग चाहै जैसौ,रंग छूटिहै नाहि पिय श्याम जी। जानत जग झूठी कहू ना बाता,चढै दूजौ रंग नाय श्याम जी। मैरौ प्रीत सुहाग धनी जैई,जैई भयै मैरौ भरतार जी। आय बेगि दासी अपनावौ,बैठि आस करत दिना साँझ जी।

सैबा मिले कबहु जगै भाग सेबा मिलिहै। लै तूलिका चरण सजावू,जावक महावर साज सजावौ। माल पुष्प अभिसार सजावू,नागर नागरि अंग मिलावौ। देरि करत लाल ढूंढत जावू,लाय संग राधिके बिठावौ। नृत गान सुमधुर बीणा,नित नव सुनाय जुगल रिझावौ। करत भौज चवर ढुरावू,दौरि दौरि रूचि भौज परौसौ। मीठौ रसीलौ बीरी लगावू,जुगल जौरि मुखै रखावौ। करत ऐसौ भावराज टहल कौ,हिय अति चटपटी लगावौ।

प्राणन प्यारी मम स्वामिनि प्राणन प्यारी। राधिके गौरी नवल किशौरी,करिहौ कृपा वृषभानिके भौरी। दीन जानिहै चरण लगावौ,टहल दीजियौ मौहि तौहरी। कान पड्यी कौ नाहि बिसारौ,सुनिहौ बिनती अधमन कौ री। जुगल जौरी मौहि सैबा दीजिहौ,कर रखिहौ निज चरणन चेरी। हौ तौ अधमन हौ तिहारौ,बिसरावौ नाही आपनौ प्यारी।

मनाय लेवू कौन उपाय करू मनाय लैवू गिरधर। कहौ तो कछु मौल मंगावू,जोई कहौ आप बिकावू। मानो जौन सोई काज करू जी,जतन करी कोऊ मान मिटावू। ऐसी कैसी प्यारौ भूल भई,सुनत ना ऐकौ बात हमारौ। कौन प्यारी कौ तुव बिनहौ,कैसौ नाही हिय कौ पीर दिखावू। कौन संग जौरी तौर दासी सौ,कौन कौ कारज हिय जरावू। आय मिलिहौ अजहु प्राण प्यारौ,गिरत चरण पिय बारी पुकारू।

मौन भयौ मौन भयौ काहे प्रीतम प्यारौ। चुप कैसी लगाय बैठिहै,काहै कहो न बैन कछु मारौ। हसिहौ नाहि बौलिहौ नाहि,रार करनहु आय पधारौ। टेरत बंशी धुनि काय नाहि,काहै ना रचावन रासहु आरौ। अजी! गिरधरजी सुधि लैवौ,बिगडी दासी प्यारी कौ सँवारौ।

अनौखै किलोल करत अनौखेहै किलोल लाला। दूध पिबत शौभा छबि कौ अनोखेहै देखी। उपरि लगत दुग्ध मूंछ बनिहि मैय्या हैसि। लाल अधरि श्याम मुखै श्वेत दुधै शौभा ऐसी। फिरत चटोरौ चाटै जिव्हा उपरि लैसी। कर सौ पौछिहै लाल झूठै मूछिहै कैसी। ऐसौ मोहनि मूरत निरखि मैय्या हिय मोद बिलसी। दासी हिय ऐसो प्रेम लाला दैहो कदसि।

प्रेम कारण होय टूटिहै नाय,प्रेम सोई जानिहै। सुखी लाल सुख होहिए,प्रेम सोई मानिहै। प्रेम फल पकिहै हिय द्रवै,सोई नेहा उपजौ जानिहै। नेह बढिहै मान होहै,बहिर मान भीतर प्रीत धारिहै। मान होय प्रणय आवै,बिस्वास पिय प्यारी अतिहि गाढिहै। रागहु प्रणय बादहौ आवै,अतिहि दुखै सुखी होय राहिहै। रागै बदलै अनुरागै होहि,नित नव माधुरी प्रीत दीखाहिहै। अनुराग गाढिहै महाभाव होय,भेद लाल लली मिटाहिहै। रीति प्रीत दासी कहिहै,रसिक बाणी लिखै शीश झुकाहिहै।

पीर मिटै हिय जरयौ कैसौ पीर मिटै। दीखै नाहि पिय दूरि दूरि लौ,करत करत मनुहार छकि है। हसनौ कदै नाहि मोहै भावै,रौबत रौबत नैन दुखै है। रहतौ उदासी रैन दिनु हौ,पूछिहै जग तौ कहा कहि है। कैसौ कहवौ पिय नाय आवौ,पिय कौ बनि सौ मौरि बनी है। करिहौ कछु तौ दासी पै किरपा,बिनु दरस प्यासी प्यारी मरिहै।

कारौ चंद माई ब्रजचंद!दिनु दीखै। कारौ चंद कैसौ गढिहौ,हिय निकिरै नाहि निकिरै। नैन रोगी कारौ रौगी,दिनु बिसरौ रैन बिगरै। देखि जबसौ बौराई,रौवू रौवू घरै बिसरै। कौउ टौना डारि दिन्हौ,कारै धसिहै कैसौ हियरै। जावू बैद्य कौउ झाडै,देवै जौगि भभूति कोउरै। भौरी गौपी नाय जनिहै,जै जाकौ लगिहै नाहि उतरै। करौ किरपा प्यारी चढिहौ,बसौ जौरि आन हिवरै।

डारौ गुलाल आवन मूठ भरिहै रंगिलौ डारौ गुलाल। हुरियारै हौ हौरि कहत आवै,कर दई ललिहु लाल। कनक कंचुकी झीनौ चूनर बिगारै,बेंदी लाल भई भाल। अबर जबर मुख कपौल लपैटै,दई रंग सरबसहु डाल। नाहि कहतौ औरि जौरि बिगारी,कसी चुनरी सखि बेहाल। रंगिलौ रंग रसियाहु प्यारौ कौ,सखी छकाई लगाय गुलाल। ऐसौ हौरी बरजौरी कौ,दैख प्यारी भई निहाल।

प्रीत रीती प्रीत रीती किशोरी सिखा दीजिए। नेहा जग सो हटे प्रीत तुव सो जुडै। कोउ नाहि दीखे नैन जौरि बसै। ऐसी भिक्छा प्रेम की कृपा दीजिए। आस सबसौ तोर संग तौरे जौरि। पड्यी चरणन माहि नेक नाहि उरि। करि दासी प्यारी बिठा लिजिए। बिन नाम नाहि टूक श्वास आवै। श्वास आवै तबै जबै नाम आवै। ऐसी अास सुनिहै पुरा दीजिए। मम प्राण अधार बनौ लाडली। दासी अपनौ महल कौ करौ स्वामिनी। रति प्रेम टहल सौ जुडा दिजिए।

बहै नैन देखि किरपा बहै नैनहु गिरधर। बिनती करती अकुलात दैखि,दैखि गयी नाहि तौ सौ। आय मिलिहै तुव हियही,ढूंढत रहही इत उत सब लौ। कैसौ कहहु निरमोही तोय,बेरि बेरि करि किरपा सब सौ। गिरत नैन सौ अश्रु एकही,बेगि आय संभारिहो हम हौ। हाय! बावरी ढूंढै कहा तौ,पिय बैठे तेरो ही हिय सौ। ऐसौ प्यारो पै प्यारी बलि जए,जावै बारि बारि किरपा लौ।

रबि उगत रबि उगत पूरब दिशिही,दुई परछाही बिटप तले बैठी। लाल जमुना जल डूबै रबि,मिलत रही नेक हिरत न ऐठी। छाती टिकाये सिर नैन मूंदै,प्यारी पिय सबै बिसराई पैठी। मुखै शीतल शांत दुईन कौ,रोम रोम कूपै प्रीत बहती। भेद दीखै नाही दोउन मे कौउ,छबि दुई एकहु हौहि बैठी। उठत ज्यौ ज्यौ भानु जलै उपर,सुंदर दरश जौरि सौ पाती। दीखत गौर श्याम होहि अंतर,लिपटि दैखि जौरि संग राती। जै जै करत सखिन दासी,प्यारी जौरि जय जय मनाती।

गोद लयी बैठी गोद लयी बैठी जुगल चरण सखी। भावित हरषित अतीहि हुयी,पुलकित नयन बहत रही। गौर श्यामल चरण दुई,जावक पायल सजत रही। चूमत धरत माथ कदै,कबहु पलक सौ झारत रही। कोमल बसन पलोटत भयी,चरण अति कोमल सेवत रही। भाग ऐसो दासी जगिहै,कबहु दरस पिय प्यारी पही।

मन एकम एक जो तुव चाहौ सो हमहु चाह,मनहु ऐसौ एकम एक कर दीजै। रखिहै लीला नित पात्र कोउ मोय,लता चाहै पशु पक्छी कोउ कीजै। रहत करत महल निज टहलहु,सेबा हित नित कर जोरि लीजै। हसि हैरै कर शीश स्वामिनि धरै,ऐसौ प्रेमाशीश मुदित होय पीजै। हा! किशौरी जौरि प्रीत मौरि सुनिहै,चरण शरण निज दासी कर लीजै। हू अधमन तजै लोभ सेबा जाय नाहि,तव अधमन बिसारि नाहि दिजै।

कृपा कौर मनहु दैखत नाहि काहै कृपा कौर हौ। काहै नाहि रहत बनत दीन हीन हौ। बिनु काज कौर कृपाहु कीजिए। ऐसौ कौन नाथ अनाथ हमहु कौ। रसिक रसिली रस प्राण रसिकनि। स्वामिनि भौरी गौरी राधिके किशोरी सौ। बिनती करत नित रहत चरणन ठौर। पलहु नाहि तजु कृपा निज जौरि सौ। अधमनि होत ताहि लखत न अवगुण। पड्यौ रहि चरणन ऐसौ रस प्रीत जौरि कौ। दासी कर जोरि करै बिनती कृपालु सौ। निजही दासन मे रखिहौ प्यारी कौ।

नैन नैन नौका नैन सिंधु नैनहु पतवार,डूबिहै तरिहै नाहि निकरिहै पार। जोई लगै सोई सुफल जनमा,नाहि दैखिहै जीबन मरन बेकार। हिय लगै जाकै कटार नैनन,हौवै सबन औषध बेसार। मछरी नोक नुकीलै दुई तीरै,धसैे ऐसौ नैन हियहौ हमार। छुटिहौ नाहि पलहु छिनहु,नाहि बिसरईयौ जानि कुसार। सुनिहौ बिनती रस रसीलौ प्यारौ,गाढै रहिहौ जियकौ कटार।

हरौ पीर हरो हिय कौ पीर गिरधारी। मेटौ बिरह मिलवै आवौ, फिरू कद लौ बिरहा मारी। मंद मुस्कन सौ हेरौ अजहु,टेरो बंशी अधर धर प्यारी। आवौ बेगि करि प्रीतम प्यारौ,संग लेवन आवौ बनवारी। बिनती करि करि हारिहौ दासी,काय सुनिहौ ना अरज हमारी।

आवन सुनिहौ आवन सुनिहौ कदहु पिय कौ,दिनु काट्यौ नाहि कटिहौ सखी। कहि आवन भूलतौ पिय,प्यारी कैसौ बिसराई सखी। खैलन खैल आवतौ जावतौ,प्रीत निभावन संग रहस्यौ कदी। नैन दरस बिनु ठौर न पावौ,हसि हैरौ पिय प्यारी अजी। जीवतौ रहवू कैसौ दरस बिनु,आवौ दरस दिखावौ हरि। लूनी छाडी जग भरमास्यु,कर पकरि संग चाल्यौ पी। एकौ आस पिय तुमसौ राखू,जग आस तोडी जौडी तुम्ही।

प्रेम पथिक प्रेम पथिक सौई जानिहै,जोई सब कछु देई बिसार। अपनोई इनकोई कछु नहि,जौ कछु होय तुम्हार। हसि हसावै कृपा जानिहै,रौबतौ हु किरपा रहिहै बिचार। जग राखै रोयै रहहिए,संग जावन कौ तैय्यार। टहल महल रंग रास कौ,दीजै सबै त्याग बिचार। ऐसेहु किरपा दासी पै,बेगि करिहै जुगल सरकार।

रंगिली बैठिहौ रंगीली!बैठिहौ अभिसारिका बनिहि। सुझाहै ठौर कुंज,आवत दैखिहै नाहि। रैन अधिहि होहि,देखै मग अधीरही होहि। चिह्न मिलिहै इहाहि,मोहन कित्त सौ आयौ नाहि। मान बढ्यौ आवतौ,मुख फैरिहै बैठि मानिनि भहि। आवत सैन समुझात सखी,कौन उपाय लाल लडाहि। थक हारै नाहि मानै,सखी बचन पूरौ करनौ कहि। संधि मिलन प्रेम कराय,निकुंज सैजि सखि गहि। ऐसौ ही मान प्राण चलिहै,नित नव मधुरै लीला हौहि।

लडैती मैय्या देखत लाल लडैती मैय्या। गोद बैठाय दधि मथति,नैन बचाय चुराय कन्हैय्या। बात बनावतौ लौना सौ मिठौ,कर डूबाय दधि हंडिया। अरी मैय्या देखि लऊ नेक,माखन कैसौ भलैहौ बनया। जानत हौ भली बतिया तौरी,तू दधि माखन को बड्यौ खवेय्या। साँची कहू नाय नेक झूठी हौ,माई काज तैरो बैगि करेय्या। तू काढै मै चखतौ रहवू,माखन ठीक सौ बन्यौ बतैय्या। तैरी सौ मैय्या मौरी भोरी,तैरे हित ही सबै काज करैय्या। जा रे जा दारी के तेरी,झूठै ही सौ मातु खावत रहैय्या। नैन अंध मौ सम अधमि कौ,दैवन वारौ जैई लाल लडैय्या।

चंचल किशोरी सरस किशौरी अजहु हिय चंचल भयी। सखी पहरावन पहरानी आपुनी,घूंघटौ काढि दयी। निज सैजि बैठायी प्यारी,आप घेर कुंज लयी। आवतौ मौहन पाछै पकरि,सखी लजा दूरी भयी। जानत हौ सखीहि हौहि,तबहु छाडत नाहि रही। मुख जबरन हौ चूमतौ,सखि सुधि बिसरात गई। कैसौ प्रीत लाल लली,सखी मानत नाहि दुई।

बैद्य क्या जाने बैद्य पकड क्या नबज जानिहै,जानै साहिब मौर। प्रेम रौगि दासी साँवल कौ,हिय चरणन पायी ठौर। कौन दवा करै काज रौगहु,कौन बढ्यी मिटावै पीर। दरद बढै बढै पीर रैन दिन,लावौ ऐसौ बैद्य कौऊ बीन। बस कौऊ कौ नाय चलै म्हारौ पै,दासी साँवलिया आधीन।

सखी देत बीरी सखी देत बीरी कर रोकी जौरी। जौई अति प्यारौ पहलौ सौई मुखै दीन्ही। पूछिहै कह सखी कौन सौ सनेह अति किन्ही। हसि हैरि सखी बीरी लली मुखै धरीहि। रसहु रसिक तुम्ह रसिलि सौई पाईहौ। सौई काज पहिलि बीरी लली हु तै दीन्ही। तुम्हु भयौ रसै जिनकौई रसिलौ । अधर रसै पिबतौ छकत न थकत हौ। ऐसैहु रसिक की रसिकनि बीरी दीन्ही।

कुंज क्षेत्र कुंज क्षेत्र रसराज नित नव चाव जौरी हिय जगावतौ। एकौ तमाल कनक बेलि लिपटि रस तरंग कैसौ जिय उठावतौ। सर कुमुद नील कमल खिलिकै पीत कमल भ्रमर मंडरावतौ। जल चाव नयौ मिलाय छबि दुई दुईन कौ एकहु करन चाह्वतौ। पंख पिच्छ मयूर नृतन सुंदर कैसी लटकनि कटि स्पर्श सुधावतौ। पुष्प अनार रक्त दैखिहौ अधर पिक रंग अधर मिलन जावतौ। कणि कणि मिलानौ सहज टहल रस बढावन लगिन रहवतौ। होय ऐसौ कुंज रसराज कणिका दासी टहल मिलन करावतौ

राधिके प्रीत बही धीर धरिहि राधिके, अजहु प्रीत बही। उमगि सिंधु ढुरि लाल पै,रसलाल लाल भई। चितवनि रस सिंधु सरिता,चित्तचौर नैन लई। अधर रससार सिंधु कोटर,रसराज अधर दई। कटारि नैन तिरछी चलिहि,उर लाल बिहर गई। छाड लाज बिसरि सखी,बरस उर प्यारी पई। देखि बिलस नग नागरि,सखिन जहा तहा ढई। बहवतौ रस सोई कुंजै,हिय कुंजै बिलसै दुई।

अष्टदल कुमुद अष्टदल कुमुद रसै दैवत, बेगि मिलनौ जुगल जौरी। एैकेहु पंखुरि बैठिहौ नाहि,चलिहै पहुचत ओर जौरी। सखि अनुगत सैबा करिहै,सबै टहल रूचै पूरी। हौहि किरपा हौई जौरी,पग उठिहै मग दैहरी। नित सैबा नित रहिहै,नित अनुचर दासी तौहरी। कछु नाहि जानै दासी,होय जौई किरपा तौरी। लिखौ जानै कौन कहा,लिखै ह्रदय बैठि जौरी।

जगावन लीला पद गावै जगावै सखि,बजावतौ वाद्य अनोखै। पडतौ सुनहि बिनति,दरस आकुल सखि दैखै। खौलिहै नैन जगिहै,सखिया मिलि कुसुम डारै। बैठाव दुई सखिन,जुगल छबि कौ नजरिया तारै। सुवसित झारी जलकौ,सैजि बैठि मुखहु धुलारै। पहरावै कुसुम मालौ,दुई चंद बारि हियहु हारै। मुखसौ बीरी राखिहै,घैरि जुगल संग बतियारै। ऐसैहु भौर हुति दीखै,नैन च्ह्वै सौनो चाह्वै।

पिय बरसै पिय बरसै,पिय बरसै,अजहु सखी,पिय बरसै। मगहु पडी बिकल लतासी,निकरत पिय ठाडत दैखी। बैठत झौरै मुखहु उठाई,टेक देई कर पकरि बैठी। सीकर पीत पटासौ पौछै,अंक लैई कर लट पलोटी। आवत सुधि अनसुझ लिपटी,बाहँ गरै डाल न छोडी। दशा कौन रौग भयी तेरी,मंद हसै पूछे कह गौपी। टेढैहु नैन तरेरत कहिए,जै सबै तैरौ रूप सौ हौती। आबत जाबत लौग दैखिहै,मग मंदमति इकली बतियाती। आपहु आप हसत रहि,आपहु नैन भरि भरि रौती। कौन ठगौरी तैरौ नामहुमा,जौई सुनिहै सौई बाबरी होती।

ललिते हिय लगईहै सखी ललिते हिय प्यारी। नेह लाड उमगि डारै,हसिहि लगावै उर प्यारि। सखिन कहै दैखि लेऔ,लाडली ललिते कौ आहि। सुनिहै सखिजु जी करिहै,हिय चिपट्यौ ही राहि। कपोल पकरि कहि सखिजु,तबै टहल जुगल कैसौ हौरि। भौरि सी सखी बिचारिहै,साँची जुगल टहल नाहि टारि। आरि सबमैहु नैह लाड इतनौई,तू तौ चाह्वै सबन हिय वारि। ऐसैहु दरस करत निहारी,कौन लौटत आवन चाहरि।

निंदिया कैसेहु आय गयौ पिय बिनु निंदिया। खौवती जागती जादहु मारी,बैरिन आय गयी नैन हमारी। अरी बैरन कहा सुख तैने पायौ,पिय नाहि जाद लियै न जा री। धन मम निर्धन जाद पिय कौ,काहै मोहै दरद सौ रीती डारी। कछु कह काहै मुख नाय खौले,ऐसौ करन कु पिय तौ न कहरी। जागतौ रैन कही पिय न जगाती,तबहु तौहै मौरै नैना बैठारी। मिलिहै पिय कहिहौ मौरै मन की,सुपनेहु आय मिलै मुरारी। प्यारी कहै लाड लडौवन करिहै,काहै तजि निज प्राणन प्यारी

प्रेम पंथ सुनिहै प्रेम पंथ कैसो। ज्यौ अगै चलिहै,पाछै पंथ मिटिहै। पावै ठौर कुंजन,जगत सबै हटिहै। जावतौ पंथ हौहै,लौटतौ ना पाईहै। जौई राज पहुचे,लौटतौ न अईहै। नित चाव टहल,जुगल हिय आईहै। डाँटिए सखी जौ,सैबा नेकहु बिगारिहै। कबहु प्रेम मान,सौई समुझाइहै। निकारि नाहि सकै,टहल जुगल सौ। जाईहै तो जाईहै,आपु बिसराइहै। नचनी सी सैबा,करत भगि जाइहै। जौई जौई मिलै,सौई चित्तहु ध्याईहै। मिलै नाहि सैबा,अधीर हुई रौईहै। कहिए सखिन सौ,सैबा दासी पाईहै। ऐसौ हौहै किरपा,टहल जुगल करौ। दासी और किरपा सौ,जुगल लखाईहै।

आस नही तौडो प्राणन प्यारी आस नाही तोडो,बिनु तुव सूनौ हिय कौ अंगना। हसि हैरौ नेक लाल कौ हैरौ,तजिहौ मान तजिहौ तीखै बैना। लाल लली दुई प्रेम रंग कुसुमा,एकहु शाख लगै पीत श्याम रंगना। कली खिलिहौ राधै मनहु श्याम कौ,भानु सुतै निरखै मुस्काना। दासी दैखिहै ना बिरह दौऊन कौ,नितहि च्ह्वै संग पिय प्यारी रहना। हैरो हैरो हसि नेक हैरौ,बिनती करै दासी गिरै दोऊ चरणा।

भलि हौई भलि हौई प्राण जौई निकरै न तन सौ। निकरि जावतौ पिय आवतौ,कहा करतौ अधीर हौतौ। मरी मरी नाय उठी सकै तौ,कैसौ धरती मरी धीर जीवतौ। रौबतौ कैसौ बहवतौ नैनौ,दैख सकतौ पिय नैन बहवतौ। हाय! मरी जाती कैसेहु संवारती,पिय प्यारी कौ हिरकतौ। शीतल दैह तौ अंग लगावौ,पिय हिय बड्यौ जरावतौ। भलि भलि हौई रूकेहु रहै,नेक आवनौ लौ पियकौ। पग पकरि करेहु बिनती,कछु सुखै साँवरौ च्हावतौ। सुखै सौई कौ बलि हौई उनपेई,पाछै मरनौ चाहै हौवतौ।

दूरि निकरै दूरि निकिरै बनहु चरावतौ गैय्या। धूरि डारौ नैनहु सखा,भगै मिलनौ गुजरिया। रूप रंग पिवतौ बिसरौ,सखा संगै सँवरिया। करत मनुहार गौरि,डारौ प्रीत नजरिया। जा जा रै जा भौरे,नाहि मानै गुजरिया। जानौ ना हमै सुधि,बड्यौ तीखौ गमरिया। मचावू शौर अबहु,नाहि छैडि लंगरिया। पलोटत चिबुक बौले,तू तौ प्यारी सँवरिया। हिय होत अधीर,देखि तीखी नजरिया। करि बस जबरन,पकरि धरि गुजरिया। ऐसौ बरजौरी कबहु,दैखिहै नैनन बँवरिया।

कटिली कटि कनक कटिली कटि बरछी लगै। दई बई दुई दिशि,हिरति चलिहै कनक सिंधु। पाछै हैरतौ रसराजौ,नैन धरिहै दुई नितम्बु। कनक कलश दुई चुनदी औढै,लज लजातै आप आपु। टिकिहै हटिहै नैन नाहि,पिय प्यारी शौभा बडौ पिपासु। वेग धावति चलिहै रसिली,मिलनौ आतुर हुई जातु। जानै दुईहि संग हौहै,जान बनिहै अनजन प्रेम हैतु। बिबश हौत ललचाहै मौहन,चाहवै मग धरि पकरि लैतु। मद मदिलै रस प्रीत जौरि,चरण सैबा कबहु पातु।

छैडि प्यारी पुष्पमाल बनाहै सखिन छैडि प्यारी कौ। कछु कहवौ तौ कदै छैडि कहा तौहै नंदकुमर नै री। लजा अतिहि झुकाहै नयन नाहि कहवै मौन भौरि री। काहै सखि अति मानहु करिहै हमसौ काहै छिपावै री। कदै बीरी लैहै चरण पलौैटै बीजण झलिहै संगे कुंजन री। निकुंज दासी हमहु तैनेही करि राखी बनाही री। अबै काहै प्रेम चिह्न हमसौ मारि लाजि छिपावै री। सुनि बैन नैनहु उठायी राधै सखी नैनहु दीखावै री। तू जानै सबै अरी चतुरि सखी मौरै मुख सौ कहावै री। हसि हसि ठिठोली करिहि सखिया राधै मोद बढावै री। कबहु जगिहै भाग अभाग कै दरस ऐसौ पावै री।

उनींदौ नैना नाहि आयौ नैन निंदिया,नैना उनींदौ सौ। रैनहु जागत पिय मग जौहवत,नाहि आबत दीखौ सौ। भारहु पलकि झुकैहु नींद बोझि,नाहि पलकनि मिलि हौ। आवै प्रिये सौबति दैखि,नाहि कदै लौटै जायी पुनि लौ। सैजि लौटि लौटि बिखरू,फैरि फैरि दैखू कर सौ। दैखहु चित्र प्रीत प्रीतमहु,सिराहनौ समुझी पिय हौ। जरत अंगै अंगै बिन तौहरे,कैसौ कहवू लिपटानि अंग कौ। नाय पुकारू पुकारू प्रीतम,रहवै जावत नाहि बनै हौ। करिहौ तुव तुव ही किरपा,दासी थाकी मांदी कहवतौ।

प्रीत खिलौने लडैती लाड सखि प्रीत खिलौनै। अनेकेहु मन भयै एकहु लौनै। जोई जोई चाहवै सोई करै छौनै। एकहु रंग रंगे पगे हिय सौनै। खिझावै रिझावै करै रार सौहनै। डूबौवै प्रीत करि नित नव टौनै। सखिन मिलावै सेजि सजि दौनै। पूछै रैन हसि हसि मधु बैनै। कह सखि पिय कहा कहा छौनै। ऐसैहु पिय प्यारी सखि हौनै।

मान मनावती सखी हौ सहेली मान मनावती हारी हौ। नेक न पसीजै हिय काहै गिरधारी कौ। मान करू ऐसौ हिय पाऊ कही मिलै जौ। रूठ रूठ तौकू रै बड्यौ ही छकावू हौ। करिहै कछु या कछु किजिए जतन तुव। नेक न निहारू नाहि तजु मान प्यारै सौ। ढूंढी री भतैरी नाय मिलिहौ हिय ऐसौ। रूप श्याम दैखिकै बिसारै नाहि सुधि हौ। हाय ! री चबक जैहि रह रह उठि हिय। कहा करू आन मिलै पियही प्यारी सौ।

नैन बिसरै नैन बिसरै श्याम कैसौ। रंगै श्याम दीखत हरे अंगै,भगिहै दौरिहि जाद आवै। पुतरी कारी नैन कारौ काजर,कारौ केश पिय संग मुस्कावै। ढिठौना चिबुक कारौ लगिहै,कारौ तमाल श्यामहु दिखावै। कौयलिया कारी दिखैहै,श्यामौ घनै घनश्याम सतावै। रैन कारी अंधैर घनीहि,जाद पिय अति लाड दिरावै। नाहि नाहि जाहवै बिसरै,पिय प्यारी अंग नैन समावै।

कौन सौ देस लिखती पतियाँ,जो जानती पिय जाय के कौन सो देश बसै। नभ को सारे,कागज करती। स्याही नैनो से भर लाती। हसके लिखती,जो जानती। पिय जाय के कौन सो देश बसै। ये सोचती हू मै लेकिन कैसे वो छूवन तुम्हारी लिखू छूती मै भी,तो जानती पिय जाय के कौन सो देस बसै। बुनती क्यू ख्वाबौ के ताने तुमसे हि लिपटकर रहती न भरती बाहौ मे,जो जानती पिय जाय के कौन सो देस बसै। सुनते तो होगे तुम भी न चुप चुपकर मेरी ये बाते सुन लेती मै,जो जानती पिय जाय के कौन सो देस बसै।

बिरह रैन बिरह रैन काहै,बिताये न बीते। पिय संग रहतौ,मोल ना जाणी। गयौ पिय जी,अब पछतानी। रह गयौ उर रीतैे कौ रीतै। ऐ री सखियन,माधौ मिलावौ। पीर बिरह कौ,अबहि मैटावौ। भारी भये,गज सम रैन बीतै। काय जी,हमै दरस न देहौ। बिनती बारी,हमरी ना सुनहौ। प्यारी बिनु आप,रहवै न जीतै।

निरगुण कौन ऊधौ! निरगुण कौन सो माधौ। जिन जानै हम तिन गुण कहतौ,मिलै कागज नाही स्याही। कौन सौ निरगुण माधौ का रै,तैनै हमहु संदेसौ सुनाही। कौन कौ बात बतावै रै हमकौ,जाकौ पग जिव्हा नाही नैन। अरे! हम माधौ इन हाथ सजायै,धरायै अंजन सुनै मुख सौ बैन। हमरै माधौ सु सुगढ साँवरौ,तुव कहतौ बिनु शरीरा। वा कौ बिनु हमहौ हमहौ बिनु वाकौ,हिय जरत होत है पीरा। हमहु पडै जानि तुव भूल करिहौ,कोऊ ओर को पतियाँ बाँचै। माधौ हमरौ गुणखान रै बौरे,तौ सौ बैन प्यारी कहे साँचै।

हा हा खात हा हा खात घनश्याम। देखी मानवती राधिकै,मनावन करै उपाम। कर जौरै पायन परै,पग धरै शीश ललाम। नेक निरख लयौ प्यारीजु,चित्त अौगुन नाय धरौ। कैसेहु धीरज धरौ रहू,बिनु दैखै नाय सरौ। पुनि पुनि चिबुक पलोटिहै,पुनि शीश चरण गिरायै। तज दीजौ मान नेक लाडली,प्यारी बचन याद दिलायै।

बरजौरै हरि बरजौरै हरि!मारै न रौवन देय। आपु आप निकट बुलावै,च्ह्यू आप ना आवन देय। दूरि देख मुस्कात रहिए,मोय भर नैन पीवै ना देय। जौरा की चलत सब जग मा,मारै नाय रोवन देय। हमहु न लाल निरबल जानौ,बलवान तैरौ बल हम होय। अबकी बैर तौरी एक न सुनिहै,प्यारी सुधि नाय खोवन देय।