प्यारी जु रस भाव

युगल निरख, शीतल भई छाती। मूक पीयो रस सुधा छबीलौ, कहन सुनन; बातन नाय आती। नीको लाल मलूक सींव परै, अंतर ललक, निरखि बटि जाती। ललित लाडिली अनुप मधुरै, मंद हसन, झुकी निरख लजाती। कुमुद मूल एक दोउ निकरै, अंग-अंग "प्यारी", जूरी सब पाती।

हे विवस्वानसुते! देहि अनुराग युगलचरणौ। निजऽस्तित्व समाहित सर्वैसर्विस्मृतेषांत्वंसदृश:।

नहि मौन धरौ,कछु बात करौ। भई रार जई नहि बात नई,तजि भूलौ बिसरौ,उर हाथ धरौ। अंतर उपवन बंजर सम वन,फागुन लावौ नेह लाड करौ। अंचर ढरकि मनुहार करी,नाहि तजि जावौ आय बाँह वरौ। प्रीतम सैय्या दै गलबैय्या "प्यारी" झुकि झुकि मनुहार करौ।

अरी का कौ फाग,काय हर्षाती। जरे बरे दिनु आय मरै,हू तौ बरसौ बरस योई कल्पाती। का केई संग होरी मोरी होई,जिन संगै चही उन कासौ मनाती। सुन जा दिनु हाथ चढ्यौ दारी के,दौरा दौरि दौरि"प्यारी" रंग खिराती।

हरि आए संग आप हमारै। कहा करू वृंदावन जाई,गंगा जमुना च्यौई नहाई,जु जई संग फिरत अगारै पिछारै। देखू क्यौई चित्रपट इनके,कल्पना कोरी करू क्यू दिनमै,जोई सन्मुख आप बैठे मुस्कारै। लगा काजल इत्र भरू क्यू भेषा,धारी गेरूआ लऊ क्यू वेशा,जई ऐसोई आप लए अपनारै। सोच विचार करू किस कारण,लोक लिहाज करू क्यू धारण,जानू आप भ‌ए "प्यारी" के प्यारै

सखि रैन कहौ किस भाँति बिताई। द्युति दौरि गई अंग रैन विचारिकै,टेढी रमणी देख रमण मुस्काई। इंगित करि इक सुमनि ढुरकितै,रहै हिरि तजि जोई भ्रमर ललचाई। रस छाप दृश्य भई कुच कछुक तई,बही पौन जई अंचल ढलकाई। फसि वेणी देखि कंकण नग नागर,काढि "प्यारी" लेई लाल ओरि बढाई। हसै मोहन निज पटा दिखाए,जो लली नुपुर लटिकै पायल खोई पाई।

अवतरै श्रीराधारमण आज। पुलकित मंज्जरी किंकरी सखिन,पुलक ह्रदय सुख संत समाज। अनुपम रूप छबि मदमाती,शीतल होय निरखि मुख ताप। चटिकाय अंगुरी तोरि तृण निरखौ,"प्यारी" हृदय सिंहासन कियौ विराज।

रूचि रूचि नेह सौ लाड लडाए। ब्रज लाडिलै दुई रस वपु धारै,एक करि रचि खेल खिलाए। तजि अंजन कौर कपोल विधारै,सब भूषण बसन अरूझै सुरझाए। बिनही कहै करै बात चाव रचै,"प्यारी" टहल महल यूँही ना पाए।

इस विरह व्यथा को तुम क्या जानौ? तुम ठहरै अखिल विश्वपति,परमहंस परै मोह प्रेम रति। रस मोह पाश सब तुम क्या मानौ? तुम ज्ञानी तम दीप जलाते,पथ पथिक पंथ सब स्वयं बनाते। पथ विहिन पथिक मर्म तुम क्या जानौ? तुम इच्छा तुम भाति चलै सब, प्यारी और चहै क्या तुम फर्क पडै कब।  क्या सम वस्तु सा जीवन तुम क्या जानौ? इस विरह व्यथा को तुम क्या जानौ? पीड सूखी लता कौ तुम क्या जानौ?

मौहै जानि ना कदि अपनी। ज्यू बालक खेलत खेल खिलौने,माटी ढोल गेंद ढफ ढफली। कदि बोलत बोल ना‌ मीठै सलौने,दुराई सदा आजु दुरै कलही। प्यारी" हारी अब करि करि बिनती,काटै दिन रौवै अब सबही।

सैय्या,मौसो रूठन ना खेलौ खेल। भयी जो भयी देओ बात बिसारौ,गैय्या !जानि निजकी जु टेरौ टेर। पीर बढी जाय पल छिन भारी,बैय्या! गहि अंक लगा करौ मेल। बीरा लाई बस अधर भरौ रस,छैय्या!निज तन की ढपौ ढुरि देह। बहोत हुआ चलौ मान तजि दौ,दैय्या!"प्यारी" का सौ यौ सीख्यौ बैर।

अद्भुत श्रीराधारमण श्रृंगार। पाग पखा लर मोतिन झूमका,बेसर तिलक ललित बलिहार। कंकन कर केयूर कटिबंध,मल्लिका पुहुप उरस्थल हार। पैंजन नुपुर कनक लकुटी टेक ,"प्यारी" मंद हसन केसौ परिहार।

जो ढीठ भयै तुम ह्यौ कम नाही। मनमानी अब लौ चली थारी,जोरा-जोरी करि मोय सताई। झूठै बैननि सैननि सब झूठै,झूठी-साँची बातन लैई फसाई। अनगिन बारि जोरि कर रोई,देई-देई रोई हु प्रीत दुहाई। सूधी बातन सुधै संगै चलिहै,टेढै-मेढै संग बनै बात लराई। सौह-ह्यौ थारी ठाई औरि न मानू,अबलौ जौ लई "प्यारी" लेई बनाई।

उदित सविता लाल। श्रीराधारमण नैननि डोरै,कहत निशि सब हाल। अंजन छुटै लूटै रसही-रस,छिटकी परै लट बाल। टूटै बंध बसन कछु खुलै,नाय पतौ गल माल। नीची नैन दैखिहौ "प्यारी",कर जोरि झुकै भाल।

लए लकुटी चलै गऊए चरान। हसि बतियात ठठात पीटत कर,चलै सखा संगी हसि हसान। कटि बाँधै सब पोट भोज बनै,निज बैठि खोल सबहु अपराह्न। चखै लाला सब भाँत नेह रचै,रूचि रूचि लैत सुवाद   चटकान। साँझ फूँकी श्रृंगी टैरिही गैय्यन,करि "प्यारी" मग जोहवै दीपदान।

हरि दासी मग जोहवत हारी। बसै देस हम कौन जानै,नाय जानै किस तुम देस सिधारी। बिसर भूलै आवै खबर कोउ,भूल बिसर गयै आपहु प्यारी। नैन कहै कछु होय ना अबतौ,हिरदै बिबश प्रीत आस बंधाई। जग दिखा हाँसू छुप रोवू हेजी,कोऊ बात नाय बनत दिखाई। निरमौही हम मोह फसाकै,ज्ञान पढाए नाय बात विचारी। "प्यारी" काज कोऊ की ना छाड,धाए बात नाय आछी थारी।

राधै करूणामयी जु कृपा कीजिए,चित्त चौप टहल की मेरे दीजिए। दासी बैठी है कबतै तेरे द्वार पै,नेक बिनती या दासी की सुन लीजिए। गयौ जनम विरथ ना मरण भी जए,स्वास अंतिम सौ पहलै बचा लीजिए। लोक लज्जा विषय विष विरह व्यर्थ के,इन सबकू जगह निज चरण दीजिए। निज चरणौ की ना दासो की दासी कर,रस प्यारी पिपासा बढा दीजिए। कहै अंतिम यही "प्यारी" कर जोरि कै,जु कछु करिकै किशोरी बुला लीजिए। .....जु कछु करिकै किशोरी बुला लिजिए।।।

ना जाने क्यूँ हमेशा ,ये रास्तै हमे आजमाते है हम किधर से भी गुजरे,फिर वही लौट आते है। मौहब्बत है शायद,इन तन्हा राहो को भी हमसे हर कोई कहाँ भला"प्यारी",इनसे गुजर पाते है। क्या समझेगा कोई,टीस उस दिल की कभी ही अश्क जिसके निकलने के पहले ही,सूख जाते है। वक्त देते ही नही अब,हम खुद को उनके जितना क्या हुआ?क्या है?क्या होगा?,जो सोच पाते है।

चल सखी पुनि पिय की नगरी। या जग कोऊ न मीत हमारौ,नातै ना बोझ गठरी। ना सौहै नैन इन कोऊ बिचारौ,आनि पिय मग तक-री। वा दिनु सौ सिंगार बिसारी,जासौ तुव गयै तज-ही। ह्यौ बैठि आजु बाँह पसारि,गहौ लहौ "प्यारी" संग सगरी।

ऐ हे सखि! मंगल गान करौ। उर कबतै नैननि अब आनै,झुकि झुकि सबकै पाम परौ। कहा करिहु सिंगार साज सजू,ठाडी काय हाथ पै   हाथ धरौ। रचू बीडा रूचि रस उन सानै,इक-टक नैननि राह धरौ। इक पलहु जुगहु मन मानै,बेगि बेगी "प्यारी" पिय पाम धरौ।