Posts

कैसे होते होंगे

कैसे होते हौगे खत वो,जिनको पढते होंगे प्रियतम.. * शिकवै शिकायत होते होगे,या की फिर तारीफै पिय की झूठी-मूठी गारी रूसना,होते होगै न ज्यादा या कम....... * नीली लाली स्याही या तौ,अश्रु नैननि की होती होगी भरि भरिके कलम नैन की मे,हिरदै के भाव एक एक ही दम.... * कागद क्या नैन परस्पर कै, दोनो ही ठौर के होंगे न आखर न होते होगे या ,होते होगे बस भाव परम ...... * खुशबू क्या इत्र की सी से,महका सा खत लेते होंगे या प्रतिक्षा के सौंधेपन से,गीलै सीलै कुछ कुछ से नम...... *  उलाहने ताने पढ हसते होगे,या गम्भीर विषय सी चर्चा से मुख मंडल पर छा जाते है,घने काले विरह व्यथा के घन...... * जैसी जो हो कुछ बतलाओ,लिखना एक खत है हमकौ भी "प्यारी" रूचि रस से भर लिख दे,तो पढ लेंगे न मेरे प्रियतम..... * तो पढ लेंगे न मेरे प्रियतम.....

हाय सखी

हाय सखी ! देखै न राधारमण। नैन चुरौयै फिरतै मौ सौ,नाय पतौ कौन कारण। आई नाय मिलनौ या सौ,अरी रूठै योई संभावन। करी नाय सुनि बतिया ह्यौ,कछु दिना सौ भावन। ऐजी सुनौ अबिकै छाडी दौ,होय नाय पुनि दोहरावन। "प्यारी" परत पाय बिनती हतौ,दासी नाय दीजौ बिसरावन।

पुकारि सुनो श्रीराधा जु

पुकारि सुनौ श्री राधा जु। वृंदा विपिन बसू जग छाडि,महल ना-तौ ड्यौढी ही पडि जावू। सगौ संबंधी सबहु तौ मानू, जग  झूठौ  तै  ना मोह  राखू। पद चापन चौपन उर एकौ, कोउ दूजी ना चाहना उर लावू। खिली अधरन हासी हित खेलू,मिली प्रीतम संग नित खेल राचू। ब्रज ठकुरानी सुनौ हे महारानी,"प्यारी" किरपा भरै द्वौ नैन चाहू।

नेक हमें मिलियौ

नेक हमे मिलियौ तौ राधारमण। तऊ देखियौ कहा कहा करियै ह्यौ,कौरी नाय जानियौ कहन सुनन। टेढी लकुटी सूधी करि दीजिए यौ,देय टैढे सगरै सवारि बचन। बाँधि सखियो संग मिलि लएगे तौ,फिरि लयै अबलौ उरकी करन। हासि परिहास भए भतैरे अब लौ,"प्यारी" नाय जाय दू जो करियौ जतन।

गयै कित्तकू मेरै

गयै कित्तकू मेरै गिरधर,जौ अबलो नाय जु लौटै। जे नैनन बाबरै तौ बिन,दरस नित चाहतै तौ-के। बैन कहा हिरदै के पूछौ,निभावै साथ इन्ही-कै। कहा चलियै हमारि कुछ,जोर कहा म्हारा कुछ जी-पै। "प्यारी" पिय विनती है तौसो,बारि एकही तौ मिल लिजै।

उर चंदन करि

उर चंदन करि लाड लडाऊ। सुभग सलौनै दोऊ लाल लाडिलै,निज कर सौ अंग अंग फैराऊ। ताप शाप सब बिरहा हरिकै,हरि हर कौ हर बार पेहराऊ । शीतल करौ अब नाथ मोहि कौ,"प्यारी" कछुक काम तौ आऊ।

धन जीवन

धन जीवन इन्ही कै भाग। चंदन अंग अंग जोई लिपटै,करि निछावर अपनपौ आप। मौतिन माल मुकुट सब लटकनि,अरू मोर पखा सजियौ पाग। नुपुर कहै कौन मुख रसना,चूमत चरण निशि भौर सौ रात। लकुटि बन्यी काठ जिन तरूही,मानौ सुफल उन्हीकोई गात। "प्यारी" कछुक जतन करि अबही,कहा योई जीवन विरथ बितात।