झूलत hindor
श्री राधारमण झूलत हिंडोर।
चंदन पाट ताग पिरै कुसुमा,श्री जमुना तीर कदंब किलोल।
हरित पाग धारि हरेई बसना,हरे सखिन सब उरहि विभोर।
द्युति चमकि बूंदनि परि रिमझिम,विनय करि नैननि लली कोर।
"प्यारी" सहज मानि आनिकै बैठि,सखि ऊँचेई ऊँचै देय हिलोर।
हरि आए संग
हरि आए संग आप हमारै। कहा करू वृंदावन जाई,गंगा जमुना च्यौई नहाई,जु जई संग फिरत अगारै पिछारै। देखू क्यौई चित्रपट इनके,कल्पना कोरी करू क्यू दिनमै,जोई सन्मुख आप बैठे मुस्कारै। लगा काजल इत्र भरू क्यू भेषा,धारी गेरूआ लऊ क्यू वेशा,जई ऐसोई आप लए अपनारै। सोच विचार करू किस कारण,लोक लिहाज करू क्यू धारण,जानू आप भए "प्यारी" के प्यारै
Comments
Post a Comment