आगत सुनि

आगत सुनि श्रावन री लली लालन संग झूलावौ।

आम्र कुंज गहन अति छैय्या,गूथ सुमनि डोरी डारो,पट शीतल चंदन डारो री जोरी नित्य नवी बिठावौ।

।।।

कोकिल मोर बैठि गए कोहर,सुर मधुर धुनि गावौ,राग प्रेम मल्हार गावौ री वाद्य भाति सरस बजावौ।

।।।

जूथ दोउ अलिन सब पाटौ,भौह नैननि सैन चलाति,प्रति अंग सुअंग मिलवौ री करि जतन बाँह गहावौ।

।।।

झौटा देओ भाति इस दौला,बद्ध गाढ आलिंगन बंधावौ,भीति उर आनन धरावौ री सुख लालन अतिहि पावौ।

।।।

अधरन छाप वक्ष पिय छापित,देखि भोरी लली लजाई,झुकी पुन: बरौनि उठावौ री पिय मन्मथ चौप जगावौ।

।।।

धावति तजि निभृत दौला गई,पश्च प्रीतम कामुक धाए,"प्यारी" दौनो बाँह उठावौ री जोरि अला बला दुरावौ।