होली लीला

होली लीला
रंग भरि मारी पिचकारी,चोली चूनर भिगाई।
कुसुम कैसर जल घोल मिलाई
कनक पिचकरी जलै भराई
दई मोरी शोभा बिगारी।
दोडिहै पाछै मोरै आई
कसही पकरि मोरी कराई
नेक लाज न करिहै मुरारी।
हमहु लाज कौ पटा दई उघारी
दई नंदपूत को जी भर गारी
भर मूठ गुलाल कौ डारी।
लछण सबै कुलछण पायै
सखा लियौ संगै लम्पट आयै
सर सौ खैच लई सारी।
कस लई चुनर आ रै दारी कै
चढ्यौ उतारौ नशे होरी कै
सिखाय दउ खैलवै होरी।

Comments

Post a Comment

Popular posts from this blog

हरि आए संग

हरि आए संग आप हमारै। कहा करू वृंदावन जाई,गंगा जमुना च्यौई नहाई,जु जई संग फिरत अगारै पिछारै। देखू क्यौई चित्रपट इनके,कल्पना कोरी करू क्यू दिनमै,जोई सन्मुख आप बैठे मुस्कारै। लगा काजल इत्र भरू क्यू भेषा,धारी गेरूआ लऊ क्यू वेशा,जई ऐसोई आप लए अपनारै। सोच विचार करू किस कारण,लोक लिहाज करू क्यू धारण,जानू आप भ‌ए "प्यारी" के प्यारै
Read more

कहा प्राणन

कहा प्राणन तजै पाछै रमण आवौगै। हार जगत सौ जावेगे चले जब,नेक दीजौ बताय तब कहा पावौगै। सुन तानै रौ रौ खौवत अँखिया,छबी नैनन ही क्या तब दिखलावौगै। शूल बिरह हिय बिंधैगी पौर पौरी,तऊ दीजौ तौ बताय कहा पधरावौगै। पुकार करी मै करी बहुतई अरजी,हौवू मूक कहा तब आय जावौगै। कौऊ दिना जई रूठ जावैगी "प्यारी" ,कहा तबई रमण पिय पाछै धावौगै।
Read more

तुव बिन पिया

तुव बिन पिया हिय की ना जाने कोऊ तुव बिन पिया। पाती हती बाँच सुनाती,हती जो निकरी काढ दिखाती। सकै जौई चीर तो चीर दैवती,पिय बिनु कैसो जरत दिखाती। कैसौ मिलनौ ब्याकुल रहवती,अकुलत पल छिन दई बताती। नाही हिय कपाट खुलिहै,जोई खोल सबन कू प्रीत जताती। कहै सबै ढाप रखिहौ प्रीती,कहै प्यारी मै तो ढोल बजाती। काय कू छिपावू प्रीती आपनौ,करीही प्रीत नाय चौरी कराती।
Read more