नेक और थमौ रजनी

नेक ओर थमौ रजनी रस-वारी।

अबहु तनु मिलै नाय सगरै,मनहु भए है रीतै,रस सौ भरि नाय उर गगरी,अब लौ योई खारि - खारि।।०नेक।।

०

पुहुप उडै फिरै बस भँवरै,छूवत फिरै फिरै भीतै,बूंद पराग पियौ नाय रस की,गई यामेई रजनी सारी।।०नेक।।

०

नैन कहै कछु ओर निरखि लै,कर बिनु छुए न सितै,अधर कहै रस अधर पहिलै,द्वंद भयौ येई भारी।।०नेक।।

०

समर आरंभ सलोल विलास कौ,हारै अबहु ना जीतै,तनिक थमौ रस खेल होन दो ,काहेहु जल्दी तारी।।०नेक।।

०

मानेहु बात "दासी प्यारी" की,तब लौ री तू जि-तै,सुख सखिन समाज के सुघर लडैति की,लए बला सब तारी।।०नेक।।०