दोउ नैननि चमकत
दोउ नैननि चमकत अनगिन चंद।
रस विहरै अधिकाई प्रेम की,झरै रस नैनन-सौ आनंद कंद।
थके आरस डबडब भरै नैना,तऊ दीखै पीवन आपस द्वंद।
डूबे गहरी तरंग नैन की,फसै दोउ परिहै रूप के फंद।
बहुतई थोरि "प्यारी" किन्ही बरणन,कही परबत हितई चेटी छंद।
हरि आए संग
हरि आए संग आप हमारै। कहा करू वृंदावन जाई,गंगा जमुना च्यौई नहाई,जु जई संग फिरत अगारै पिछारै। देखू क्यौई चित्रपट इनके,कल्पना कोरी करू क्यू दिनमै,जोई सन्मुख आप बैठे मुस्कारै। लगा काजल इत्र भरू क्यू भेषा,धारी गेरूआ लऊ क्यू वेशा,जई ऐसोई आप लए अपनारै। सोच विचार करू किस कारण,लोक लिहाज करू क्यू धारण,जानू आप भए "प्यारी" के प्यारै
Comments
Post a Comment