केलि आज झूलन

केलि आजु झूलन रस सुख न्यारौ।

हरितिमा निकुंज नव यौवन चरम,जूथ सखिन सजाय बेलि झूला डारौ।

बैठी-प्रियाही सींवा रूप-राशी लै,वक्ष झूलत खुलै मनहर केश कारौ।

दंतावली शोभित मुख मधुर हसतई,देखि केश गुलझट लिपटै सब हारौ।

मुख-भाव अधर अति विस्मय अनूप,भूलि लटकि लटा जानि पिय प्यारौ।

भामिनि बिसारी लीला रस झूलन,ओरि भाव लली बह गई धारौ।

प्रियतम सम्मुख तब भनक परत,निकट श्रृवण आय पिय राधे पुकारौ।

अचरज भरिही मुरि पियही देखत,जानि भ्रम हाँसि मुख पियमै छुपावौ।

परिहास सरस रस गूंजित कुंजन,"प्यारी" झुलावै सजावै सुख लाडलै प्यारौ।